Saturday, March 2, 2024
Home’ଅହିଂସା’ର ଦେଶରେ ହିଂସା
Array

’ଅହିଂସା’ର ଦେଶରେ ହିଂସା

ଭୁବନେଶ୍ବର: ସତ୍ୟ ଓ ଅହିଂସାର ପୂଜାରୀ ଜାତିର ପିତା ମହାତ୍ମା ଗାନ୍ଧିଙ୍କ ୧୫୨ତମ ଜୟନ୍ତୀ ପାଳିତ ହୋଇଛି। କୋଭିଡ କଟକଣା ଯୋଗୁଁ ଗାନ୍ଧୀ ଜୟନ୍ତୀରେ ବଡ଼ ସମାହୋରର ଆୟୋଜନ ହୋଇପାରି ନାହିଁ। କେବଳ ତାଙ୍କର ଆଦର୍ଶକୁ ଆଜି ମନେ ପକାଇ ଜୀବନ ପରିଚାଳିତ କଲେ ତାହା ଯଥେଷ୍ଟ। କିନ୍ତୁ କ୍ଷୋଭର ବିଷୟ ହେଲା ଯେ, ଗାନ୍ଧିଜୀଙ୍କ ଦେଶରେ ହିଂସା। ଦେଶର ରାଜନେତା, ବକ୍ତା, ଅଧ୍ୟାପକ ଗାନ୍ଧିଜୀଙ୍କ ଚିନ୍ତା ଧାରାରେ ଜୀବନ ବିତାଇବାକୁ ପରାମର୍ଶ ଦିଅନ୍ତି ସତ, କିନ୍ତୁ ଏଭଳି ଭାଷଣବାଜି କରୁଥିବା ବ୍ୟକ୍ତିବିଶେଷଙ୍କ ମଧ୍ୟରୁ ଅନେକ ନିଜେ ଅସାମାଜିକ କାର‌୍ୟ୍ୟରେ ନିୟୋଜିତ ରହିଥାନ୍ତି। 


ପ୍ରାଚୀନ ଭାରତ ଇତିହାସ ଯଦି ଦେଖିବା ଭାରତ ଏକ ଆଦର୍ଶ ଦେଶରେ ଗଣତି ହେଉଥିଲା। କିନ୍ତୁ ବିଦେଶୀମାନେ ଭାରତରେ ପ୍ରବେଶ କରି ହିଂସାକୁ ପ୍ରେତ୍ସାହନ ଦେଇଥିଲେ। ବିଦେଶୀମାନେ ଭାରତରେ ପ୍ରବେଶ କରିବା ପରେ ଧନ-ସଂପତ୍ତି ଲୁଟି ନେବା ପାଇଁ ଷଡ଼ଯନ୍ତ୍ର ଓ କୁଟନୀତି ଆରମ୍ଭ କରିଦେଇଥିଲେ। ଏହା ବର୍ଷ ବର୍ଷ ଧରି ଲାଗି ରହିଛି। ଦେଶରେ ଦିନକୁ ଦିନ ଅନ୍ୟାୟ, ଅତ୍ୟାଚାର ଓ ହିଂସା ବଢ଼ିଚାଲିଛି।

 ସମୃଦ୍ଧ ଗଣତନ୍ତ୍ର ବ୍ୟବସ୍ଥା

ଭାରତ ଭଳି ଏକ ବୃହତ ଦେଶକୁ ସୁପରିଚାଳନା କରିବା ପାଇଁ ସମୃଦ୍ଧ ଗଣତନ୍ତ୍ର ବ୍ୟବସ୍ଥା ରହିଛି। ଦେଶର ଆଇନ ବ୍ୟବସ୍ଥା ମଧ୍ୟ ରହିଛି। କିନ୍ତୁ ଏହା ପରେ ବି ଚୋରୀ, ଡକାୟତି, ରାହଜାନୀ, ଲୁଟ, ହତ୍ୟା, ଦୁଷ୍କର୍ମ ଆଦି ଘଟଣା ଦୈନନ୍ଦୀନ ଦେଖିବାକୁ ମିଳୁଛି। ଅସାମାଜିକ ବ୍ୟକ୍ତିଙ୍କ ଆଗରେ ଗାନ୍ଧିଜୀଙ୍କ ରାମରାଜ୍ୟ ପରିକଳ୍ପନାର ମୂଲ୍ୟ କିଛି ନାହିଁ ବୋଲି ମନେ ହେଉଛି। ଗାନ୍ଧି ଜୟନ୍ତୀରେ କେବଳ ମହାତ୍ମା ଗାନ୍ଧିଙ୍କ ଆଦର୍ଶର ଗୁଣ ଗାନ କଲେ କିଛି ଲାଭ ନାହିଁ। ବରଂ ଏକ ହିଂସା ମୁକ୍ତ ଭାରତ ଗଢ଼ିପାରିଲେ ଗାନ୍ଧିଜୀଙ୍କ ଆତ୍ମାକୁ ଶାନ୍ତି ମିଳିପାରିବ। 

ସ୍ବାର୍ଥ ପାଇଁ ହିଂସା

ହିଂସାର ପଛରେ ଏକ ବଡ଼ ଉଦେଶ୍ୟ ରହିଛି। ତାହା ହେଉଛି ସ୍ବାର୍ଥପର। ମୁଖ୍ୟତଃ ଲୋକେ ନିଜର ଆଶା ତଥା ସ୍ବାର୍ଥ ପୂରଣ କରିବା ପାଇଁ ଅନ୍ୟର ଖରାପ ଚିନ୍ତା କରୁଛନ୍ତି। ହିଂସା ଚିନ୍ତାରୁ ଲୁଟ, ଡକାୟତି, ରାହାଜାନୀ ଆଦିର ଜନ୍ମ ନେଉଛି। ରାସ୍ତାରେ ଏକାକୀ ଯାଉଥିବା ମହିଳାମାନେ ଆଜିର ଦିନରେ ସୁରକ୍ଷିତ ନୁହେଁ। ସେହିପରି ବିନା ସୁରକ୍ଷାକର୍ମୀରେ ବ୍ୟାଙ୍କ ସୁରକ୍ଷିତ ନୁହେଁ। ପୋଲିସ ବ୍ୟବସ୍ଥା ନଥିଲେ ସମାଜରେ ଆହୁରି ବଡ଼ ବଡ଼ ଅଘଟଣ ଘଟନ୍ତା। ଏହା। ଏହା ନିଃସନ୍ଦେହରେ କୁହାଯାଇପାରିବ। 
ଗାନ୍ଧୀଙ୍କ ପରାମର୍ଶ ଗାନ୍ଧିଜୀଙ୍କ ସବୁଠାରୁ ବଡ଼ ଅସ୍ତ୍ର ଥିଲା ସତ୍ୟ ଓ ଅହିଂସା। ଏହାରି ମାଧ୍ୟମରେ ସେ ଦେଶକୁ ଇଂରେଜମାନଙ୍କ ଠାରୁ ଦେଶକୁ ସ୍ବାଧୀନ କରିପାରିଥିଲେ। ଗାନ୍ଧିଜୀଙ୍କ ପରାମର୍ଶକୁ ସମଗ୍ର ବିଶ୍ବର ଜନତା ଗ୍ରହଣ କରିଛନ୍ତି। ଏଥି ପାଇଁ ପ୍ରତି ବର୍ଷ ଭାରତରେ ଅକ୍ଟୋବର ୨ ତାରିଖକୁ ମହାତ୍ମା ଗାନ୍ଧୀଙ୍କ ନାଁରେ ସମର୍ପିତ କରାଯାଇଥାଏ। ଗାନ୍ଧିଜୀ କହୁଥିଲେ ଯେ, ବିନା ହିଂସାରେ କୌଣସି ଲଢ଼େଇ କରାଯାଇପାରିବ ନାହିଁ। 

ଦୃଢ଼ମନା ଥିଲେ ଗାନ୍ଧିଜୀ

 -ଗାନ୍ଧିଜୀ ଦକ୍ଷିଣ ଆଫ୍ରିକାରେ ଥିବା ସମୟରେ ସ୍ବାସ୍ଥ୍ୟକର୍ମୀ ଭାବେ ଲୋକଙ୍କୁ ସହଯୋଗ କରିଥିଲେ

-ସିଭିଲ ରାଇଟ୍‌ସ ଆନ୍ଦୋଳନ ବିା୍ବର ୪ ମହାଦ୍ବୀପ ଓ ୧୨ ଦେଶକୁ ପହଂଚିଥିଲା

-ବିଶ୍ବର ଅନ୍ୟତମ ଜଣାଶୁଣା ଇନୋଭେଟର ଷ୍ଟିଭ ଜବ୍ସ ଗାନ୍ଧିଜୀଙ୍କ ଠାରୁ ପ୍ରେରଣା ନେଇଥିଲେ 

-୭୦ ବର୍ଷ ବୟସରେ ଗାନ୍ଧିଜୀଙ୍କର ଓଜନ ୪୬ କିଲୋ ଥିଲା। ସେ ଦିନକୁ ୧୦କିଲୋମିଟର ପାଦରେ ଚାଲୁଥିଲେ ଓ ୫ ଘଣ୍ଟା ଶୋଉଥିଲେ

-ଭାରତର ସ୍ବାଧୀନତା ଆନ୍ଦୋଳନରେ ଗାନ୍ଧିଜୀ ୧୩ ଥର ଗିରଫ ହୋଇଥିଲେ ଓ ୧୭ ଥର ଅନଶନ କରିଥିଲେ

-ସ୍ବାଧୀନତା ଆନ୍ଦୋଳନ ସମୟରେ ଗାନ୍ଧିଜୀ ୧୧୪ ଦିନ କିଛି ଖାଇ ନଥିଲେ-ଗାନ୍ଧିଜୀଙ୍କ ପରଲୋକ ପରେ ବ୍ରିଟେନ ୧୯୭୧ରେ ଗାନ୍ଧିଜୀଙ୍କ ନାଁରେ ଡାକ ଟିକେଟ ଜାରି କରିଥିଲା

-ଦେଶରେ ଗାନ୍ଧିଜୀଙ୍କ ନାଁରେ ୫୩ଟି ବଡ଼ ସଡ଼କ ଲୋକାର୍ପିତ ହୋଇଛି। ବିଦେଶରେ ୪୮ଟି ସଡ଼କ ଗାନ୍ଧୀଙ୍କ ନାଁରେ ନାମିତ

-ଦକ୍ଷିଣ ଆଫ୍ରିକାର ଡର୍ବାନ, ପ୍ରିଟୋରିଆ ଓ ଜୋହାନସର୍ବରେ ଫୁଟବଲ କ୍ଲବ ପ୍ରତିଷ୍ଠାରେ ସହଯୋଗ

-୧୩ ବର୍ଷ ବୟସରେ ୧୪ ବର୍ଷୀୟ କସ୍ତୁରବାଙ୍କୁ ବିବାହ

-ନୋବେଲ ପୁରସ୍କାର ପାଇଁ ଗାନ୍ଧିଜୀଙ୍କ ନାମ ୫ଥର ମନୋନୀତ, କିନ୍ତୁ ପୁରସ୍କାର ମିଳିନି

-ଗାନ୍ଧିଜୀଙ୍କ ସହ ଶୁକବାର ସଂପର୍କ: ଜନ୍ମଗ୍ରହଣ, ପରଲୋକ ଓ ଦେଶ ସ୍ବାଧୀନ

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments