Thursday, June 20, 2024
Homeକେତେ ବଦଳିବ ଚାଷ ଓ ଚାଷୀଙ୍କ ଭାଗ୍ୟ?
Array

କେତେ ବଦଳିବ ଚାଷ ଓ ଚାଷୀଙ୍କ ଭାଗ୍ୟ?

ଭୁବନେଶ୍ବର: ରାଜ୍ୟ ସରକାର ଆର୍ଥିକ ବର୍ଷ ୨୦୨୨-୨୩ ପାଇଁ ବଜେଟ୍ ଉପସ୍ଥାପନ କରିଛନ୍ତି। ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଚଳିତ ଆର୍ଥିକ ବର୍ଷ ପାଇଁ ଉପସ୍ଥାପନ କରିଥିବା ବଜେଟ ଭାଷଣରେ କହିଛନ୍ତି ଏଥର ୨ ଲକ୍ଷ କୋଟି ଟଙ୍କାର ବ୍ୟୟବରାଦ କରାଯାଇଛି। ଏତେ ଟଙ୍କା ଆସିବ କେଉଁଠୁ। କାରଣ ରାଜ୍ୟ ସରକାରଙ୍କ ପାଖରେ ବିକାଶମୂଳକ କାର୍ଯ୍ୟ ପାଇଁ ଏତେ ଟଙ୍କା ନାହିଁ। କାରଣ ବର୍ତ୍ତମାନ ରାଜ୍ୟର ସ୍ଥିତି ଯାହା ରହିଛି ଋଣ ଭାର ୧ ଲକ୍ଷ ୧୨ ହଜାର କୋଟି ଟଙ୍କା ଟପିଯିବ। ଆଥିର୍କ ବର୍ଷ ୨୦୨୧-୨୨ରେ ରାଜ୍ୟର ଋଣ ଭାର ଥିଲା ୧ ଲକ୍ଷ ୮୧୩ କୋଟି ଟଙ୍କା ଥିଲା।

ରାଜ୍ୟର କୃଷିଜାତ ଦ୍ରବ୍ୟ ଉତ୍ପାଦନ ଅନ୍ୟ ରାଜ୍ୟ ତୁଳନାରେ ବହୁତ କମ। ରାଜ୍ୟରରେ କେବଳ ଧାନକୁ ଛାଡ଼ି ଦେଲେ ଅନ୍ୟ ଫସଲ ଆଖିଦୃଶିଆ ହୋଇପାରି ନାହିଁ। ଧାନର ଉତ୍ପାଦନ ଯଦିଓ ଅଧିକ ହେଉଛି। ଏହା ଟଙ୍କିକିଆ ଚାଉଳ ଯୋଜନାରେ ହଜମ ହୋଇଯାଉଛି। ଅଥଚ ବାହାରେ ବିକ୍ରି କରାଯାଇ ରାଜ୍ୟର ରାଜସ୍ବ ବଢ଼ାଯାଇପାରନ୍ତ। ଡାଲି, ତେଲ, ମସଲା, ଆଳୁ, ଅଣ୍ଡା, ମାଛ, ଫଳ, ପନିପରିବାର ସିଂହ ଭାଗ ଆମେ ଅନ୍ୟ ରାଜ୍ୟ ଉପରେ ନିର୍ଭର କଲେ। ରାଜ୍ୟ ସରକାର ଏସବୁ କ୍ଷେତ୍ରର ବିକାଶ ପାଇଁ ପ୍ରତିବର୍ଷ ବଜେଟରେ ସ୍ବତନ୍ତ୍ର ପ୍ୟାକେଜ୍ ରଖୁଛନ୍ତି। କିନ୍ତୁ ବର୍ଷ ବର୍ଷ ଧରି ସମସ୍ୟାର ସମାଧାନ ହେଉନାହିଁ।

ଏସ୍ଏସ୍‌ଜି ହାତରେ ମାଛ ଚାଷ

ଅର୍ଥମନ୍ତ୍ରୀ  ଚାଷୀମାନଙ୍କୁ କୃଷି ଋଣ ସୁଧ ସହାୟତା ପାଇଁ ୮୯୩ କୋଟି ବ୍ୟୟ ବରାଦ କରିଛନ୍ତି। କିନ୍ତୁ ଚାଷୀମାନେ ଯେତେବେଳେ ଋଣପାଇଁ ବ୍ୟାଙ୍କକୁ ଯାହାନ୍ତି, କେତେ ହଟ୍ଟହଟ୍ଟା ହୁଅନ୍ତି, ତାହା ସେମାନଙ୍କୁ ଭଲଭାବରେ ଜଣା।  ମତ୍ସ୍ୟଚାଷ ଓ ପଶୁପାଳନ ପାଇଁ ୧୬୫୮ କୋଟି ବ୍ୟୟ ଅଟକଳ ହୋଇଛି।  ମାଛ ଚାଷ ପାଇଁ ନୂଆ ପୋଖରୀ ଯୋଜନାରେ ୯୮ କୋଟି ବ୍ୟୟ ବରାଦ ହୋଇଛି। ସରକାରଙ୍କ ଏହି ବଜେଟ ଯେ କେହି ଭାବିବ ଯେ, ବୋଧେ ଆଉ ଆମକୁ ଆନ୍ଧ୍ର ମାଛ ଖାଇବାକୁ ପଡ଼ିବ ନାହିଁ।  କୁକୁଡା ଚାଷ ପାଇଁ ୧୦୨ କୋଟି ଟଙ୍କା ବଜେଟ ରଖିଛନ୍ତି। ପଞ୍ଚାୟତ ପୋଖରୀରେ ମାଛ ଚାଷ ପାଇଁ ସ୍ବୟଂ ସହାୟଗ ଗୋଷ୍ଠୀଙ୍କୁ ସରକାର ୩୮ କୋଟି ଟଙ୍କା ପ୍ରଦାନ କରିବେ।

ବଦଳିବ କି କୃଷକର ଭାଗ୍ୟ

ସରକାର ଚାଷ ଓ ଚାଷୀଙ୍କ ବିକାଶ ପାଇଁ ସ୍ବତନ୍ତ୍ର ବଜେଟ ରଖିଛନ୍ତି। କୃଷି ଓ ଆନୁସଙ୍ଗିକ କାର୍ଯ୍ୟକ୍ରମରେ ଖାଦ୍ୟ ଉତ୍ପାଦନ, ଚାଷୀଙ୍କ ରୋଜଗାର ଓ କୃଷକ କଲ୍ୟାଣ ପାଇଁ ୨୧,୧୬୬ କୋଟି ଟଙ୍କାର ବ୍ୟୟ ବରାଦ କରିଛନ୍ତି। କେବଳ କାଳିଆ ଯୋଜନା ପାଇଁ ୧୮୭୪ କୋଟି ଟଙ୍କା ବ୍ୟୟବରାଦ କରିଥିବା ବେଳେ କୃଷି ଗବେଷଣା ଓ ଶିକ୍ଷା ପାଇଁ ୧୬୧ କୋଟି ବ୍ୟୟବରାଦ ହୋଇଛି। ସାର ଓ ବିହନ ପାଇଁ ସୁଧମୁକ୍ତ ଋଣ ବାବଦକୁ ୨୦୦ କୋଟି ଟଭ୍କା, ଓଡ଼ିଶା କୃଷି ବୈଷୟିକ ବିଶ୍ବବିଦ୍ୟାଳୟକୁ ଗବେଷଣା ଓ ଶିକ୍ଷା ନିମନ୍ତେ ୧୬୧ କୋଟି, ପଶୁ ସଂପଦର ସ୍ବାସ୍ଥ୍ୟ ଏବଂ ରୋଗ ନିୟନ୍ତ୍ରଣ ପାଇଁ ୨୪୧ କୋଟି। ସେହିପରି  ଉଦ୍ୟାନ କୃଷି ବିକାଶ ପାଇଁ ୩୧୨ କୋଟି ଓ କୃଷକ ପରିବାରକୁ ଆୟ ସହାୟତା ପାଇଁ ୧୧୨ କୋଟି ବ୍ୟବସ୍ଥା ହୋଇଛି।

ଚାଷ ଜମିକୁ ନାହିଁ ପାଣି

ଜଳସେଚନ ପ୍ରକଳ୍ପ ପାଇଁ ୨୪୯୩ କୋଟି ଟଙ୍କା ବ୍ୟୟ ବରାଦ ହୋଇଛି। ରାଜ୍ୟର ଚାଷୀଙ୍କ ପାଇଁ ସବୁଠାରୁ ବଡ଼ ସମସ୍ୟା ହେଉଛି ଜଳସେଚନ। କାରଣ ପାଣିର ସୁବିଧା ବିନା ଚାଷ କାମ ଅସମ୍ଭବ। ହାତଗଣତି କିଛି ଜଳ ପ୍ରକଳ୍ପ ରହିଛି, ଯେଉଁଥିପାଇଁ ରାଜ୍ୟର ଚାଷୀମାନେ ଖରିଫ ଫସଲ ଅମଳ ପରେ ହାତବାନ୍ଧି ରହୁଛନ୍ତି। ଅନେକଗୁଡ଼ିଏ ଜଳ ପ୍ରକଳ୍ପଗୁଡ଼ିକ ବହୁଦିନ ହୋଇ ନିର୍ମାଣାଧୀନ ଥିଲେ ବି ଏହା ଶେଷ ହେଉନାହିଁ। ପ୍ରତିବର୍ଷ ବଜେଟରେ ଜଳସେଚନ ଉପରେ ଚର୍ଚ୍ଚା ହେଉଛି। ମାତ୍ର ଚାଷୀର ଭାଗ୍ୟ ବଦଳୁ ନାହିଁ।

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments