Saturday, July 20, 2024
Homeମହଙ୍ଗା ମାଡ଼: ଗରିବ ଆଖିରୁ ଗଡୁଛି ଲୁହ
Array

ମହଙ୍ଗା ମାଡ଼: ଗରିବ ଆଖିରୁ ଗଡୁଛି ଲୁହ

ଭୁବନେଶ୍ୱର: ଦରବୃଦ୍ଧି ଆଶାତୀତ ଭାବେ ବଢ଼ିଚାଲିଛି । ସବୁ ଜିନିଷର ଦରଦାମ ନିୟନ୍ତ୍ରଣ ଲଗାଇବା ପାଇଁ କେନ୍ଦ୍ର ଓ ରାଜ୍ୟ ସରକାର ପଦକ୍ଷେପ ନେଉନାହାନ୍ତି । ଫଳ ସ୍ୱଃରୂପ ଗରିବ ଓ ମଧ୍ୟବିତ୍ତ ଶ୍ରେଣୀରେ ବସବାସ କରୁଥିବା ଲୋକଙ୍କ ଆଖିରୁ ଲୁହ ଗଡୁଛି । ଉଭୟ କେନ୍ଦ୍ର ଓ ରାଜ୍ୟ ସରକାର ବିକାଶର ଘଣ୍ଟି ବଜାଉ ଥିବା ବେଳେ ତୃଣମୂଳ ସ୍ତରରେ ଲୋକେ କିଭଳି ପାଳିତ ହେଉଛନ୍ତି, ତାହା ଜାଣିପାରୁ ନାହାନ୍ତି । ବାସ୍ତବରେ ଗରିବଙ୍କ ଦୁଃଖ ଶୁଣିବାକୁ ନା ନେତା ଅଛନ୍ତି ନା ପ୍ରଶାସକ ।

ଦରଦାମ ବୃଦ୍ଧି ହେବା କାରଣରୁ ସରକାରଙ୍କ କର୍ମଚାରୀମାନଙ୍କୁ ଯଦିଓ କୌଣସି ଅସୁବିଧା ହେଉ ନାହିଁ, ଗରିବ ଓ ମଧ୍ୟବିତ୍ତ ଶ୍ରେଣୀର ଲୋକଙ୍କୁ ଘୋର ପ୍ରଭାବିତ ହେବାକୁ ପଡୁଛି । ଦରଦାମ ବୃଦ୍ଧିର ମୁଖ୍ୟ କାରଣ ହେଉଛି ତୈଳ ଦର ବୃଦ୍ଧି । ପେଟ୍ରୋଲ ଓ ଡିଜେଲ ଦର ବଢ଼ିବା ଫଳରେ ପରିବହନ ଉପରେ ନିର୍ଭର କରୁଥିବା ଜିନିଷର ଦାମ ବଢୁଛି । ଏହି ବର୍ଦ୍ଧିତ ଦର ଜନସାଧାରଣଙ୍କ ଠାରୁ ଅସୁଲି ହେଉଛି ।

ଅତ୍ୟାବଶ୍ୟକ ସାମଗ୍ରୀ ଦର ବୃଦ୍ଧି

ଗତ ବର୍ଷ ମଧ୍ୟରେ ପେଟ୍ରୋଲ, ଡିଜେଲ ଓ ଗ୍ୟାସ ଦର ବଢ଼ିବା ଦ୍ୱାରା ଅନ୍ୟ ଖାଦ୍ୟ ଉତ୍ପାଦନ କଂପାନିଗୁଡ଼ିକ ପରିବହନଜନିତ ସମସ୍ୟା ଦେଖାଇ ଖାଦ୍ୟ ସାମଗ୍ରୀର ମୂଲ୍ୟ ବଢ଼ାଇ ଦେଉଛନ୍ତି । ଅତ୍ୟାବଶ୍ୟକ ସାମଗ୍ରୀ ଅଟା, ଚାଉଳ, ହରଡ଼ ଡାଲି, କ୍ଷୀର, ସୋୟାବିନ ତେଲ ଦର ବଢ଼ିଚାଲିଛି । କେବଳ ଏତିକି ନୁହେଁ, ପନିପରିବା, ମାଛ, ମାଂସ ଓ ଅଣ୍ଡା ସହିତ ଜଳଖିଆ, ମୃଦୁପାନୀୟ ଆଦି ସାମଗ୍ରୀ ଦର ମଧ୍ୟ ବଢ଼ିଚାଲିଛି । କମ ଟଙ୍କା ରୋଜଗାର କରୁଥିବା ପରିବାରକୁ ଦହଗଂଜ ହେବାକୁ ପଡୁଛି । ତେବେ ଦରଦାମ ବଢ଼ି ଚାଲିଥିଲେ ବି ବ୍ୟକ୍ତିର ରୋଜଗାର ବଢୁନାହିଁ ।  

କାରଣ କ’ଣ

ଦରବୃଦ୍ଧି ଅର୍ଥ ଆପଣ ରୋଜଗାର କରୁଥିବା ଟଙ୍କାର ମୂଲ୍ୟ କମ ହେବ । ଉଦାହରଣ ସ୍ୱରୂପ ଯଦି ମହଙ୍ଗା ଦର ୭ ପ୍ରତିଶତ ରହିଛି, ତାହେଲେ ଆପଣ କରିଥିବା ରୋଜଗାରର ୧୦୦ ଟଙ୍କାର ମୂଲ୍ୟ ୯୩ ଟଙ୍କା ହେବ । ଏମିତି କିଛି ଫ୍ୟାକ୍ଟର ଯାହାକି ଅର୍ଥନୀତିର ଦର ଅର୍ଥାତ ମହଙ୍ଗାକୁ ବଢ଼ାଇପାରେ । ସାଧାରଣତଃ ଉତ୍ପାଦ ଖର୍ଚ୍ଚ ବଢ଼ିବା, ଉତ୍ପାଦ ଓ ସର୍ଭିସର ଚାହିଦା ବଢ଼ିବା ଓ ଯୋଗାଣ କାରଣରୁ ସାମଗ୍ରୀ ମହଙ୍ଗା ହୋଇଥାଏ । ଉଭୟ କେନ୍ଦ୍ର ଓ ରାଜ୍ୟ ସରକାର ମଧ୍ୟ ଦରବୃଦ୍ଧିରେ ନିୟନ୍ତ୍ରଣ ନଆଣିବା କାରଣରୁ ସାଧାରଣ ଜନତାଙ୍କୁ ସମସ୍ୟାର ସାମ୍ନା କରିବାକୁ ପଡ଼ିଥାଏ । କାରଣ ସରକାର ଚାହିଁଲେ କିଛି ଜିନିଷ ଉପରେ ଦ୍ରବ୍ୟ ଓ ସେବା କର ହ୍ରାସ କରିପାରିବେ, ଯାହାଦ୍ୱାରା କି ସାଧାରଣ ଜନତା ଉପକୃତ ହୋଇପାରିବେ ।ଅତ୍ୟାବଶ୍ୟକ ସାମଗ୍ରୀ ଉତ୍ପାଦନ

ହ୍ରାସ

ଆମ ରାଜ୍ୟରେ ଦରଦାମ ବୃଦ୍ଧିର ଅନ୍ୟ ଏକ କାରଣ ହେଲା ଉତ୍ପାଦନ ହ୍ରାସ। ବିଶେଷ କରି ଓଡ଼ିଶାର ଲୋକମାନେ ଦିନକୁ ଦିନ ଅଳସୁଆ ହୋଇଯାଇଛନ୍ତି। ଧାନ ବ୍ୟତୀତ ଅନ୍ୟ ଫସଲ ଅତି ନଗଣ୍ୟ କହିଲେ ଚଳିବ। ଆନ୍ଧ୍ରରୁ ମାଛ, ଅଣ୍ଡା, କଦଳୀ, ପଶ୍ଚିମବଙ୍ଗରୁ ଆଳୁ, ଫୁଲ,ବାହାର ରାଜ୍ୟରୁ ତେଲ ଓ ଡାଲି ଆଦି ଆମଦାନୀ ହେଉଛି। ଗୋଟିଏ ପରିବାର ପାଇଁ ଯେତିକି ପନିପରିବା ଆବଶ୍ୟକ ଅଛି, ତାହା ହେଉନି। ଗାଁରେ ଜମି ପଡ଼ିଆ ପଡୁଛି। ଫସଲ ଉପୁଜୁ ନାହିଁ। ସରକାରୀ ପ୍ରୋତ୍ସାହନ ବହୁତ କମ। ଚାଷୀ ମନ ଲଗାଇ ଚାଷ କାମ କରୁନାହାନ୍ତି। ସେଥି ପାଇଁ ବଜାରରେ ଦରଦାମ ବୃଦ୍ଧି ହେଉଛି।

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments