Thursday, June 20, 2024
Homeଅନ୍ୟାନ୍ୟମହାକାଶ ବିଜୟ ଲକ୍ଷ୍ୟରେ ଭାରତ

ମହାକାଶ ବିଜୟ ଲକ୍ଷ୍ୟରେ ଭାରତ

ନୂଆଦିଲ୍ଲୀ: ଭାରତ ମହାକାଶରେ ବିଜୟ ଲକ୍ଷ୍ୟ ରଖିଛି। ଭାରତୀୟ ବୈଜ୍ଞାନିକମାନେ ଏହି ବିଜୟର ସାରଧୀ ହୋଇଛନ୍ତି। ବିଶ୍ବର ଅନ୍ୟ ବିକଶଶୀଳ ଦେଶମାନଙ୍କର ସମକକ୍ଷ ହୋଇପାରିଛି। ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ) କାମ ଜାରି ରଖିଛି। ଅଗଷ୍ଟ ମାସରେ ସଫଳତାର ସହିତ ଚନ୍ଦ୍ରଯାନ-୩ ଚନ୍ଦ୍ରପୃଷ୍ଠରେ ଅବତରଣ କରିଥିଲା। ରୋଭର ପ୍ରଜ୍ଞାନ ଚନ୍ଦ୍ରରେ ଆଉ ଏକ ଐତିହାସିକ ମାଇଲ ଖୁଣ୍ଟ ହାସଲ କରିସାରିଛି। ଇସ୍ରୋ ପକ୍ଷରୁ କୁହାଯାଇଛି ଯେ, ରୋଭର ଚନ୍ଦ୍ର ପୃଷ୍ଠରେ ୧୦୦ ମିଟରରୁ ଅଧିକ ପଥ ଅତିକ୍ରମ କରିଛି ଏବଂ ଏବେ ବି ଶକ୍ତିଶାଳୀ ଢ଼ଙ୍ଗରେ ଆଗକୁ ଆଗକୁ ମାଡ଼ି ଚାଲିଛି। ଏହାରି ମଧ୍ୟରେ ଇସ୍ରୋ ସେପ୍ଟେମ୍ବର ୨ ତାରିଖ (ଶନିବାର) ସଫଳତାର ସହିତ ଆଦିତ୍ୟ ମିଶନ କରିଛି। ଆନ୍ଧ୍ରପ୍ରଦେଶର ଶ୍ରୀହରିକୋଟାସ୍ଥିତ ସତୀଶ ଧାବନ ଲଞ୍ଚ୍ ପ୍ଯାଡରୁ ଆଦିତ୍ୟ-ଏଲୱାନ୍ ସଫଳତା ପୂର୍ବକ ଉତକ୍ଷେପଣ ହୋଇଛି। ରକେଟ ପିଏସଏଲଭି-ସି୫୭ ମାଧ୍ୟମରେ ଏହି ମହାକାଶଯାନଟି ମହାକାଶକୁ ଯାଇଛି।

ଆଦିତ୍ୟ ମିଶନ୍ ମାଧ୍ୟମରେ ଇସ୍ରୋ ଅନେକ ଲକ୍ଷ୍ୟ ରଖିଛି। ନିକଟରେ ଚନ୍ଦ୍ରଯାନର ସଫଳ ଯାତ୍ରା ପରେ ସୌର ମିଶନରେ କିପରି ସଫଳ ହେବ ସେଥିପାଇଁ ବୈଜ୍ଞାନିକଙ୍କ ସମେତ ପୂରା ଦେଶବାସୀ ଆଶାବାଦୀ ଅଛନ୍ତି। ୧୨୭ ଦିନ ପରେ ଲକ୍ଷ୍ୟପଥରେ ପହଞ୍ଚିବ ଆଦିତ୍ୟ-ଏଲୱାନ୍। ମିଶନ ସଫଳତାର ସହିତ ଆଗକୁ ବଢ଼ିପାରିଲେ ବୈଜ୍ଞାନିକମାନେ ଯେଉଁ ରହସ୍ୟ ଜାଣିବାକୁ ଆଶା ରଖିଛନ୍ତି ତାହା ଆଗାମୀ ୪ ମାସ ପରେ (୨୦୨୪ ଜାନୁଆରି)ରେ ପୂରା ହୋଇପାରିବ। ଅନ୍ୟପଟରେ ପୃଥିବୀଠାରୁ ସୂର୍ଯ୍ୟଙ୍କ ଦୂରତା ୧୫ କୋଟି କିଲୋମିଟର ଦୂର ହୋଇଥିବାରୁ ଏହି ମିଶନ କେତେ ସଫଳ ହେବ, ତାହା ମଧ୍ୟ ପ୍ରଶ୍ନବାଚୀ ସୃଷ୍ଟି କରୁଛି। ବେଳେ ଏହା ୧୫ ଲକ୍ଷ କିଲୋମିଟର ଦୂରରୁ ରହି ଅନୁସନ୍ଧାନ କରିବ। ଏହି ପଏଣ୍ଟକୁ ଲାଗ୍ରାଞ୍ଜ ପଏଣ୍ଟ ବୋଲି କୁହାଯାଏ। ପୃଥିବୀ ଓ ସୂର୍ଯ୍ୟ ମଧ୍ୟରେ ପାଞ୍ଚଟି ଲାଗ୍ରାଞ୍ଜ ପଏଣ୍ଟ ରହିଛି। ପ୍ରଥମ ଲାଗ୍ରାଞ୍ଜ ପଏଣ୍ଟର ଦୂରତା ୧୫ ଲକ୍ଷ କିଲୋମିଟର। ଲାଗ୍ରାଞ୍ଜ ପଏଣ୍ଟ ହେଉଛି ପୃଥିବୀ ଓ ସୂର୍ଯ୍ୟ ମଧ୍ୟରେ ଥିବା ଏକ ସ୍ଥାନ, ଯେଉଁଠାରେ ଦୁଇ ବସ୍ତୁ ମଧ୍ୟରେ ମାଧ୍ୟାକର୍ଷଣ ଶକ୍ତି କାମ କରିଥାଏ। ଫଳରେ କୌଣସି ବସ୍ତୁ ଦୀର୍ଘ ସମୟ ପର୍ଯ୍ୟନ୍ତ ସେହିଠାରେ ସନ୍ତୁଳିତ ଅବସ୍ଥାରେ ରହି କାର୍ଯ୍ୟ କରିପାରିବ। ଏହିଠାରୁ ହିଁ ଆଦିତ୍ୟ-ଏଲୱାନ୍ ସୂର୍ଯ୍ୟଙ୍କ ରହସ୍ୟ ଭେଦିବ ଏବଂ ଇସ୍ରୋକି ଗୋଟିଏ ପରେ ଗୋଟିଏ ସୂଚନା ଦେବ।

ବୃହତ୍ ପଦକ୍ଷେପ ନେଲା ଇସ୍ରୋ

ସୂର୍ଯ୍ୟ ହେଉଛି ସକଳ ଶକ୍ତିର ଆଧାର। ସୂର୍ଯ୍ୟଙ୍କ ଭଳି ବ୍ରହ୍ମାଣ୍ଡରେ ଆହୁରି ଅନେକ ଉତ୍ତପ୍ତ ପୀଣ୍ଡ ଅଛି କି ନାହିଁ ତାହା ଭିନ୍ନ କଥା। କିନ୍ତୁ ସୂର୍ଯ୍ୟଙ୍କ ଆଲୋକରେ ପୃଥିବୀ ସମେତ ଅନ୍ୟ ଗ୍ରହମାନେ ମଧ୍ୟ ଆଲୋକିତ ହେଉଛନ୍ତି। ଏହା ଏକ ଉତ୍ତପ୍ତ ପୀଣ୍ଡ ହୋଇଥିବାରୁ ଏହାରି ଉପରେ ଗବେଷଣା କରିବା କଷ୍ଟସାଧ୍ୟ କାମ। ତଥାପି ସୂର୍ଯ୍ୟଙ୍କ ଉପରେ ଅନୁସନ୍ଧାନ କରିବା ପାଇଁ ଇସ୍ରୋର ପ୍ରଥମ ଥର  ପାଇଁ ବୃହତ୍ ପଦକ୍ଷେପ ନେଇଛି। ଆଦିତ୍ୟ-ଏଲୱାନ୍ ଜରିଆରେ ମହାକାଶକୁ ୭ଟି ପେ’ଲୋଡ୍ ମଧ୍ୟ ପଠାଇଛି। ଏହି ପେ’ଲୋଡ୍ ମଧ୍ୟରୁ ୪ଟି ପେ’ଲୋଡ୍ ସୂର୍ଯ୍ୟଙ୍କ ଉପରେ ଏବଂ ଅନ୍ୟ ୩ଟି ଲାଗ୍ରାଞ୍ଜ ପଏଣ୍ଟ ଏଲୱାନ ଉପରେ ପରୀକ୍ଷା ନିରୀକ୍ଷା କରିବ। ଭାରତ ପୂର୍ବରୁ ଆମେରିକା ସ୍ପେଶ୍ ଏଜେନ୍ସି ନାସା, ୟୁରୋପିୟ ସ୍ପେସ୍ ଏଜେନ୍ସି ଏବଂ ଜର୍ମାନ ସ୍ପେଶ୍ ଏଜେନ୍ସି ଭଳି ଖୁବ୍ କମ୍ ମହାକାଶ ଅନୁସନ୍ଧାନ ସଂସ୍ଥାନ ଏହି ଅନୁସନ୍ଧାନ କରିଛନ୍ତି। ଏହି ମିଶନ ସଫଳ ହେଲେ ମହାକାଶ ଅନୁସନ୍ଧାନ କ୍ଷେତ୍ରରେ ଇସ୍ରୋ ଏକ ମାଇଲଖୁଣ୍ଟ ଅତିକ୍ରମ କରିବ ବୋଲି ଆଶା କରାଯାଉଛି।  

ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ

ସୂର୍ଯ୍ୟ ମିଶନର ସଫଳତା ପାଇଁ ଦେଶବାସୀଙ୍କ ସମେତ ଇସ୍ରୋର ବୈଜ୍ଞାନିକମାନେ ଅପେକ୍ଷା କରିଛନ୍ତି। ଏହି ମିଶନ ସଫଳ ହେଲେ ବିଶ୍ବବାସୀ ଭାରତକୁ ଏକ ଶକ୍ତିଶାଳୀ ଦୃଷ୍ଟିରେ ଦେଖିବେ। ସାମାଜିକ ଗଣମାଧ୍ୟମ ‘ଏକ୍ସ’ରେ ପ୍ରଧାନମନ୍ତ୍ରୀ ଲେଖିଛନ୍ତି, ଚନ୍ଦ୍ରଯାନ-୩ର ସଫଳତା ପରେ ଭାରତ ତା’ର ମହାକାଶ ଯାତ୍ରା ଜାରି ରଖିଛି। ଭାରତର ପ୍ରଥମ ସୌର ଅଭିଯାନ ‘ଆଦିତ୍ୟ-ଏଲ୍୧’ର ସଫଳ ଉତ୍କ୍ଷେପଣ ଲାଗି ‘ଇସ୍ରୋ’ରେ ଥିବା ଆମ ବୈଜ୍ଞାନିକ ଓ ଇଞ୍ଜିନିୟର୍ମାନଙ୍କୁ ଅଭିନନ୍ଦନ ଜଣାଉଛି। ସମଗ୍ର ମାନବଜାତିର ମଙ୍ଗଳ ପାଇଁ ବିଶ୍ବବ୍ରହ୍ମାଣ୍ଡକୁ ଭଲରୂପେ ବୁଝିବା ଲାଗି ଆମର ନିଷ୍ଠାପର ବୈଜ୍ଞାନିକ ପ୍ରଚେଷ୍ଟା ଚାଲୁରହିବ।

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments