Saturday, March 2, 2024
Home୯୦ ବର୍ଷରେ ଭାରତୀୟ ବାୟୁସେନା
Array

୯୦ ବର୍ଷରେ ଭାରତୀୟ ବାୟୁସେନା

ଭୁବନେଶ୍ବର: ଭାରତୀୟ ବାୟୁସେନାର ଶକ୍ତି ପୂରା ବିଶ୍ବବାସୀକୁ ଜଣାଶୁଣା। ଏହା ହେଉଛି ଆକଶର ଅସ୍ତ୍ର। ଶକ୍ତି କ୍ଷେତ୍ରରେ ବିଶ୍ବର ବାୟୁସେନାରେ ଭାରତର ସ୍ଥାନ ୩ୟରେ ରହିଛି। ଭାରତର ବାୟୁ ପରିସୀମାକୁ ସୁରକ୍ଷିତ ରଖିବା ହେଉଛି ଭାରତୀୟ ବାୟୁସେନାର ମୂଳ ଲକ୍ଷ୍ୟ। ଏହି ଉଦ୍ଦେଶ୍ୟ ନେଇ ଭାରତୀୟ ବାୟୁସେନା ୧୯୩୨ ମସିହା ଅକ୍ଟୋବର ୮ ତାରିଖରେ ପ୍ରତିଷ୍ଠା କରାଯାଇଥିଲା। ଦ୍ବିତୀୟ ବିଶ୍ବଯୁଦ୍ଧ କାଳରେ ବ୍ରିଟିଶ ଶାସନ ସମୟରେ ଏହାକୁ ସ୍ଥାପନା କରାଯାଇଥିଲା। ସେତେବେଳେ ଏହାର ନାମ ଥିଲା ରୋୟାଲ ଇଣ୍ଡିଆନ୍ ଏୟାର ଫୋର୍ସ। ମାତ୍ର ଦେଶ ସ୍ବାଧୀନତା ପ୍ରାପ୍ତି ପରେ ‘ରୋୟାଲ’ ଶବ୍ଦକୁ ହଟାଇ ଦିଆଯାଇ ଏହାର ନାମ ଇଣ୍ଡିଆନ୍ ଏୟାର ଫୋର୍ସ ରଖାଯାଇଥିଲା। ଏହା ଥିଲା ୧୯୫୦ ମସିହାର ଘଟଣା।  

ତେବେ ୧୯୫୦ ମସିହା ଠାରୁ ଭାରତୀୟ ବାୟୁସେନା କେବଳ ୪ଟି ଯୁଦ୍ଧରେ ସଂପୃକ୍ତ ଥିଲା। ଏହି ଯୁଦ୍ଧଗୁଡ଼ିକ ପଡୋଶୀ ପାକିସ୍ତାନ ସହିତ ସଂଗଠିତ ହୋଇଥିଲା। ସେହିଭଳି ଅନ୍ୟ ଯୁଦ୍ଧ ଅପରେସନ ବିଜୟ, ଅପରେସନ ମେଘଦୂତ, ଅପରେସନ କାକ୍ଟସ୍ ଓ ଅପରେସନ ପୁମାଲାଇ ଥିଲା। ଆଜିର ଦିନରେ ଭାରତୀୟ ବାୟୁସେନାର ସଂପ୍ରସାରଣ ହୋଇଛି। ବାୟୁସେନାରେ ବିଶାଳ ଯୁଦ୍ଧ ବିମାନ ସାମିଲ ହୋଇପାରିଛି। ରାଫେଲ୍, ମିଗ-୨୧, ସୁଖୋଇ ଭଳି ଯୁଦ୍ଧ ବିମାନ ସାମିଲ ହୋଇପାରିଛି। ବିଦେଶୀ ଶତ୍ରୁ ଭାରତରେ ପ୍ରବେଶ କରିବା ପୂର୍ବରୁ ଅନେକ ଚିନ୍ତା କରିବ। ୨୦୧୯ ଫେବ୍ରୁଆରି ୧୪ ତାରିଖରେ ସିଆରପିଏଫ୍ ଯୁବାନଙ୍କ ଉପରେ ପୁଲୱାମା ଆକ୍ରମଣ ପରେ  ଭାରତୀୟ ବାୟୁସେନା ପାକିସ୍ତାନ ଭିତରେ ଅତର୍କିତ ଭାବେ ପ୍ରବେଶ କରି ଆତଙ୍କବାଦୀଙ୍କ ଶିବିର ଉପରେ ଅତର୍କିତ ଆକ୍ରମଣ କରିବା ଘଟଣାକୁ ଭୁଲିହେବ ନାହିଁ।  

ବାୟୁସେନାକୁ ନୂଆ ବ୍ରାଞ୍ଚ ଭେଟି

ଭାରତୀୟ ବାୟୁ ସେନାର ୯୦ତମ ପ୍ରତିଷ୍ଠା ଦିବସ ଶନିବାର ପାଳିତ ହୋଇଯାଇଛି। ଏହି ଅବସରରେ କେନ୍ଦ୍ର ସରକାର ଏକ ବାୟୁସେନାକୁ ନୂଆ ବ୍ରାଞ୍ଚ ଭେଟି ଦେଇଛନ୍ତି। ବାୟୁସେନା ଅଧିକାରୀ (ଆଇଏଫ)ଙ୍କ ଲାଗି ‘ୱିପନ ସିଷ୍ଟମ ବ୍ରାଞ୍ଚ’ଖୋଲିବା ଲାଗି କେନ୍ଦ୍ର ସରକାର ମଞ୍ଜୁର କରିଛନ୍ତି। ଦେଶ ସ୍ୱାଧୀନ ହେବା ପରଠାରୁ ପ୍ରଥମ ଥର ଲାଗି ବାୟୁ ସେନାରେ ଏହି ନୂଆ ଅପରେଶନ ଶାଖା ଖୋଲିବା ପାଇଁ ପଦକ୍ଷେପ ନିଆଯାଇଛି।  ଏହା ହେଉଛି ଏକ ଯୁଦ୍ଧ ଏୟାରକ୍ରାଫ୍ଟ । ଭାରତୀୟ ବାୟୁସେନା ମୁଖ୍ୟ ମାର୍ସାଲ ବିବେକ ରାମ ଚୌଧୁରୀ କହିଛନ୍ତି ଯେ, ଭୂପୃଷ୍ଠରୁ ଭୂପୃଷ୍ଠକୁ ଓ ଭୂପୃଷ୍ଠରୁ ଆକାଶକୁ ନିକ୍ଷେପ କରାଯାଉଥିବା କ୍ଷେପଣାସ୍ତ୍ର, ଏବଂ ଦୁଇ ବା ଅଧିକ କ୍ରୁ’ଥିବା ରିମୋର୍ଟ ଚାଳିତ ବିମାନର ୪ଟି ସୁଦକ୍ଷ ଧାରା ଚଳାଇବା ଲାଗି ବ୍ୟବସ୍ଥା କରାଯାଇଛି। ଏହି ନୂଆ ବ୍ରାଞ୍ଚ ପାଇଁ ପାଇଲଟ ତାଲିମ ପାଇଁ ଖର୍ଚ୍ଚ ହେଉଥିବା ୩୪୦୦ କୋଟି ଟଙ୍କା ସଞ୍ଚୟ ହୋଇ ପାରିବ।

ବାୟୁସେନାରେ ନୂଆ ପୋଷାକ

ଭାରତୀୟ ବାୟୁସେନା ତା’ର କର୍ମଚାରୀଙ୍କ ପାଇଁ ନୂଆ ଧରଣର ‘କମ୍ବାଟ୍ ୟୁନିଫର୍ମ’ ପ୍ରଚଳନ କରିଛି। ‘ଡିଜିଟାଲ୍ କେମୋଫ୍ଲଜ୍ ୟୁନିଫର୍ମ’ କୁହାଯାଉଥିବା ଏହି ୟୁନିଫର୍ମର ‘ଫାଷ୍ଟ୍ ଲୁକ୍’କୁ ଏୟାର୍ ଚିଫ୍ ମାର୍ସାଲ୍ ଉନ୍ମୋଚନ କରିଥିଲେ। ଏହି ନୂଆ ୟୁନିଫର୍ମ ପୂର୍ବ ୟୁନିଫର୍ମଠାରୁ ଭିନ୍ନ। ଏଥିରେ ପୁରଣା ‘ଅର୍ଗାନିକ୍ ପ୍ୟାଟର୍ଣ୍ଣ’ ପରିବର୍ତ୍ତେ ‘ପିକ୍ସେଲେଟେଡ୍ ଡିଜାଇନ୍’ କରାଯାଇଛି। ବିଶ୍ବର ସବୁ ଲଢୁଆ ବଳ ଏବଂ ସେନା ‘ଡିଜିଟାଲ୍ କେମୋଫ୍ଲଜ୍ ୟୁନିଫର୍ମ’ ପିନ୍ଧିଲେଣି। ଜଣେ ବାୟୁସେନା ଅଧିକାରୀଙ୍କ କହିବା ଅନୁସାରେ ଆମେ ଆଗରୁ ‘କମ୍ବାଟ୍ ୟୁନିଫର୍ମ’ ପିନ୍ଧି ସାରିଛୁ। କିନ୍ତୁ, ତା’ର ପ୍ୟାଟର୍ଣ୍ଣ ପରିବର୍ତ୍ତନ ହୋଇଯାଇଛି।  

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments