ଭାଷା ଓ ସାହିତ୍ୟ ପ୍ରତି ପ୍ରତ୍ୟେକ ବ୍ୟକ୍ତିର ମମତ୍ବବୋଧ ଜାଗରିତ ହେବା ଅନିବାର୍ଯ୍ୟ

0
513
ନାମ: ସୁଧାଂଶୁ ଶେଖର ପାତ୍ର ଜନ୍ମ ତାରିଖ: ୦୩/୦୭/୧୯୬୮

ଠିକଣା: ଗ୍ରାମ-ଖସିଗୁଡା, ଡାକ ଘର-  ଚିଲିଗୁଡା , ଥାନା- ଜୁନାଗଡ଼

ଜିଲ୍ଲା: କଳାହାଣ୍ଡି, ଓଡ଼ିଶା ୭୬୬୦୧୪   ଶିକ୍ଷାଗତ ଯୋଗ୍ୟତା: ସ୍ନାତକୋତ୍ତର (ଇଂରାଜୀ)  ବୃତ୍ତି: ଶିକ୍ଷକତା

ପ୍ରକାଶିତ ପୁସ୍ତକ: ସୂର୍ଯ୍ୟୋଦୟ (ନାଟକ ସଙ୍କଳନ) , କାଠୁରିଆ(ଗଳ୍ପ ସଙ୍କଳନ), ଜୀବନର ପଥେ(କବିତା ସଙ୍କଳନ) 

ସର୍ଜନ ଜଗତକୁ ଆସିବା ପଛର ସ୍ମୃତି ଫର୍ଦ୍ଦରେ କ’ଣ ରଖିବେ?

 ମୋ ବାପା ଶିକ୍ଷକତା କରୁଥିଲେ ହେଁ  ସେ ଜଣେ  କବି ଭାବରେ ଆମ ଗ୍ରାମାଞ୍ଚଳରେ ପ୍ରସିଦ୍ଧି ଲାଭ କରିଥିଲେ ।ସେ  ଅନେକ ଲୋକ ନାଟକର ରଚୟିତା । ତାଙ୍କର ପ୍ରୋତ୍ସାହନ ମୋତେ ସାହିତ୍ୟ କ୍ଷେତ୍ରରେ ଜଡ଼ିତ ହେବାକୁ ଅବସର ପ୍ରଦାନ କରିଛି । ଭବାନୀପାଟଣା ସରକାରୀ ମହାବିଦ୍ୟାଳୟ ରେ ଇଂରାଜୀ ସ୍ନାତକ ଡିଗ୍ରୀ ରେ ଅଧ୍ୟୟନ କରୁଥିବା ସମୟରେ ମୋର ଲେଖାଲେଖି ଆରମ୍ଭ ହୁଏ। ୧୯୮୬ ମସିହାରେ ପ୍ରଥମ ଥର ଦୁଇଟି କବିତା ଆକାଶବାଣୀ ଜୟପୁର କେନ୍ଦ୍ରରୁ ପ୍ରସାରିତ ହୋଇଥିଲା।

ଆପଣଙ୍କ ସାହିତ୍ୟ କାହା ସହ ବେଶୀ ଜୀବନ ବାନ୍ଧେ ?

ସାଧାରଣ ମଣିଷର ଗାଥା,ପ୍ରକୃତିର ଅନୁପମ ବିଭବ ଏବଂ ଆମ ମାଟିର ସାଂସ୍କୃତିକ ଧାରାକୁ ଲେଖନୀରେ ସାହିତ୍ୟ ମାଧ୍ୟମରେ ଚିତ୍ରଣ କରିବାକୁ ପ୍ରୟାସ ଜାରି ରଖେ ।

 ଏବର ଶବ୍ଦ ଖେଳକୁ ନେଇ ଆପଣ କେବେ ଦ୍ବନ୍ଦ୍ବାତ୍ମକ ଭବିଷ୍ୟତର ଦେଖିଛନ୍ତି କି ?

ଏବେକାର ଶବ୍ଦଖେଳ ଯେତିକି ରହସ୍ୟମୟ ସେତିକି ରୋମାଞ୍ଚକର ମଧ୍ୟ। ବେଳେ ବେଳେ ଏହାର ପ୍ରକ୍ରିୟା  ଦୁର୍ବୋଧ୍ୟ ମନେହୁଏ। ଅବଶ୍ୟ ସେଥିପ୍ରତି ଭ୍ରୂକ୍ଷେପ ନକରି ନିଜେ ନିଜ ଜଗତରେସ୍ଵଛନ୍ଦରେ ବିତରଣ କରିବା ସର୍ବାଦୌ ଶ୍ରେୟସ୍କର ବୋଲି ମୁଁ ବିଚାର କରେ ।

ସାରସ୍ବତ ସାଧନା ପଥରେ ବ୍ୟାକରଣ ଗୁରୁତ୍ୱ କେତେ ବୋଲି ମାନନ୍ତି?

ସାଧନାର ଦୁର୍ଗମ ପଥରେ ବ୍ୟାକରଣର ଗୁରୁତ୍ୱ ଅତ୍ୟନ୍ତ ଲଘୁ ମନେହୁଏ।

ସାହିତ୍ୟରେ ନୀରବତା ଏକ ସଂସ୍କୃତି । କ’ଣ ଭାବ ଦେବେ ?

ଶଦ୍ଦ  ଧ୍ବନି ସୃଷ୍ଟି କରେ। ତା’ ଭିତରେ ଚିତ୍ର ଥାଏ।ହେଲେ, ଚିତ୍ର   ଶବ୍ଦ ବିହୀନ ହୋଇ ମଧ୍ୟ ନୀରବରେ ଅନ୍ୟକୁ ଆମନ୍ତ୍ରଣ କରିବାର ସାମର୍ଥ୍ୟ ବହନ କରିଥାଏ।ଏଣୁ  ସାହିତ୍ୟରେ ନୀରବତାର ଅବଲମ୍ବନ ଏକ ସ୍ୱାଗତଯୋଗ୍ୟ  ପନ୍ଥା ।

ଆପଣଙ୍କ ଗଣିତରେ ସ୍ୱୀକୃତିର ସିଦ୍ଧାନ୍ତ ?

ଏକାନ୍ତରେ ନିଜକୁ ରଖି ନିଷ୍କପଟ ହୃଦୟରେ ଲେଖନୀର ପଦାଙ୍କ ଅନୁସରଣ କରିବା ହେଉଛି ସ୍ୱୀକୃତିର ମୂଳମନ୍ତ୍ର।

ତଥାକଥିତ ଆତ୍ମଘୋଷିତ କବିଙ୍କ ଉପରେ ଟିପ୍ପଣୀ ?

ଆତ୍ମଘୋଷିତ କବି ଓ କବି ମଧ୍ୟରେ ଆକାଶ ପାତାଳ  ପ୍ରଭେଦ ରହିଛି। ଆତ୍ମଘୋଷିତ କବି କାକ ହେଲେ କବି ପିକ ହିଁ ହେବେ। ସଂସ୍କୃତର ନିମ୍ନୋକ୍ତ ଶ୍ଲୋକ ଟି ହୁଏତ ଏ ମନ୍ତବ୍ୟ ର ମାନବୃଦ୍ଧି କରିବାରେ ସହାୟକ ହେବ।”କାକଃ କୃଷ୍ଣ ପିକଃ କୃଷ୍ଣ ନ ଭେଦ କାକପିକୟୋଃବସନ୍ତ ସମୟେ ଯଥା କାକଃ କାକଃ ପିକଃ ପିକଃ ।” 

ବର୍ତ୍ତମାନ ସକାଶେ ଭାବୁଥିବା ଭବିଷ୍ୟତ?

ଆମ ଭାଷା ଓ ସାହିତ୍ୟ ପ୍ରତି ପ୍ରତ୍ୟେକ ବ୍ୟକ୍ତିର ମମତ୍ବବୋଧ ଜାଗରିତ ହେବା ଅନିବାର୍ଯ୍ୟ ।

Share the article

LEAVE A REPLY