ବଦଳିଲା ନାମ, ବଦଳିବ ରୂପ

0
18

ନୂଆଦିଲ୍ଲୀ: ସ୍ବାଧୀନ ଭାରତର ଇତିହାସରେ ୨୦୨୨ ସେପ୍ଟେମ୍ବର ୮ ତାରିଖ ସ୍ବର୍ଣ୍ଣିମ ଅକ୍ଷରରେ ଲିପିବଦ୍ଧ ହୋଇ ରହିବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୮ ତାରିଖରେ ଇଣ୍ଡିଆ ଗେଟ ନିକଟରେ ନିର୍ମିତ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ୨୮ ଫୁଟ ଉଚ୍ଚର ପ୍ରତିମାକୁ ଉନ୍ମୋଚନ କରିଛନ୍ତି। ଏହି ମୂର୍ତ୍ତି ତେଲେଙ୍ଗାନାର ଗ୍ରାନାଇଟ ପଥରରେ ନିର୍ମିତ ହୋଇଛି। ଏହି ମୂର୍ତ୍ତି ଦେଶର ସବୁଠାରୁ ବଡ଼ ମୋନେଲିଥ ମଧ୍ୟରେ ଅନ୍ୟତମ । ସବୁଠାରୁ ବଡ଼ କଥା ହେଲା ଯେ, ଏହି ମୂର୍ତ୍ତିର ପ୍ରତିଷ୍ଠା ହେବା ନେଇ ଘୋଷଣାର ଅଳ୍ପ କିଛି ମାସ ମଧ୍ୟରେ ପ୍ରତିଶ୍ରୁତି ପୂରଣ ହୋଇଛି। ଗତ ଜାନୁଆରି ୨୩ରେ ନେତାଜୀଙ୍କ ହୋଲୋଗ୍ରାମ ମୂର୍ତ୍ତି ଉନ୍ମୋଚନ ହୋଇଥିଲା। ସେପ୍ଟେମ୍ବର ୭ ତାରିଖରେ ରାଷ୍ଟ୍ରୀୟ ରାଜଧାନୀ ନୂଆଦିଲ୍ଲୀର ‘ରାଜପଥ’ର ନାମ ପରିବର୍ତ୍ତନ କରାଯାଇ ଏହାକୁ ’କର୍ତ୍ତବ୍ୟପଥ’ ଭାବେ ଘୋଷଣା କରାଯାଇଛି, ଯାହାକୁ ଗୁରୁବାର ପ୍ରଧାନମନ୍ତ୍ରୀ ଲୋକାର୍ପଣ କରିଛନ୍ତି।

ବିଶ୍ବର ଅନ୍ୟତମ ବୃହତ୍ ଗଣତନ୍ତ୍ର ‘ଭାରତ’ରେ ସ୍ବାଧୀନତା ପରଠାରୁ ଅନେକ ପରିବର୍ତ୍ତନ ହୋଇଛି। ଏହି ପରିବର୍ତ୍ତନ ମଧ୍ୟରେ ରହିଛି ଅନେକ ଐତିହାସିକ ସ୍ଥାନ। ଘଣ୍ଟାର କଣ୍ଟା ଇତିହାସର ପ୍ରତ୍ୟେକ ମୁହୂର୍ତ୍ତକୁ ଦେଖିଛି । କେବେ କ’ଣ ହେଲା, କେମିତି ହେଲା ଏବଂ କିଏ କଲା । ଏହି ସବୁର ପ୍ରତକ୍ଷ୍ୟଦର୍ଶୀ ହେଉଛି ଘଣ୍ଟା କଣ୍ଟା। ଏହି କ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ଇତିହାସରେ ଆଉ ଏକ ପୃଷ୍ଠା ଯୋଡ଼ିଛନ୍ତି। ସ୍ୱାଧୀନ ଭାରତର ଇତିହାସରେ କିଛି ଦଶନ୍ଧି ପରେ ଏହି ପରିବର୍ତ୍ତନ ହୋଇଛି। ୬୧ ବର୍ଷ ହେଲା ଅନେକ ପୀଢ଼ି ଯେଉଁମାନେ ରାଜପଥ ଦେଇ ଯାଉଥିଲେ, ନୂଆପୀଢ଼ିର ଜନତା ଏହି ସଡ଼କକୁ ‘କର୍ତ୍ତବ୍ୟପଥ’ ନାମରେ ଜାଣିବେ । ୧୯୫୫ରେ ଏହି ସଡ଼କର ନାଁ ଇଂରେଜମାନଙ୍କ ଅମଳରୁ ‘କିଙ୍ଗ୍ସୱେ’ରୁ ପରିବର୍ତ୍ତନ କରାଯାଇ ‘ରାଜପଥ’ ରଖାଯାଇଥିଲା ।

୨ ଥର ବଦଳିଲା ନାମ

ବ୍ରିଟିଶ ଶାସନ କାଳରେ ଭାରତ ରାଜଧାନୀ କଲିକତା (ବର୍ତ୍ତମାନ କୋଲକାତା) ଥିଲା। ଇଂରେଜମାନେ ଦେଶକୁ କଲିକତାରୁ ଶାସନ କରୁଥିଲେ। ଏଠାରେ ଉପନିବୋ ପ୍ରତିଷ୍ଠା କରିଥିଲେ। ସମୟ କ୍ରମେ ଓ ଶାସନଗତ ସୁବିଧା ଦୃଷ୍ଟିରୁ କଲିକତାରୁ ଦିଲ୍ଲୀକୁ ରାଜଧାନୀ ସ୍ଥାନାନ୍ତରିତ ହୋଇଥିଲା। ଏହା ଥିଲା ୨୦୧୧ ମସିହାର ଘଟଣା। ସେହି ସମୟରେ ଭାରତର ଶାସକ ଥିଲେ ଭି ଜର୍ଜ। ସେ ୨୦୧୧ ମସିହାରେ ଦିଲ୍ଲୀ ଗସ୍ତରେ ଆସିଥିଲେ। ତେଣୁ ତାଙ୍କର ସ୍ମୁତିରେ କିଙ୍ଗ୍ସୱେ ନାମକରଣ କରାଯାଇଥିଲା। ଦେଶ ସ୍ବାଧୀନତା ହାସଲ କରିବା ପରେ ଏହାର ନାମ ରାଜପଥ କରାଗଲା। କିନ୍ତୁ ଭାରତରେ ଗଣତନ୍ତ୍ର ବ୍ୟବସ୍ଥା ଥିବାରୁ ‘ରାଜପଥ’ର ନାଁ ପରିବର୍ତ୍ତନ କରିବାକୁ ମୋଦୀ ସରକାର ନିଷ୍ପତ୍ତି ନେଇଥିଲେ।

ସେଣ୍ଟ୍ରାଲ ଭିସ୍ତା ପ୍ରକଳ୍ପ

କେନ୍ଦ୍ର ସରକାର କରୋନା କାଳରେ ୨୦୨୧ ଫେବ୍ରୁଆରୀ ୪ ତାରିଖରେ ପାଖାପାଖି ୨୦,୦୦୦ କୋଟି ଟଙ୍କାର ବିନିଯୋଗରେ ନିର୍ମାଣାଧୀନ ସେଣ୍ଟ୍ରାଲ ଭିସ୍ତା ପ୍ରକଳ୍ପର ଆରମ୍ଭ କରିଛନ୍ତି। ଏହି ପ୍ରକଳ୍ପ ମାଧ୍ୟମରେ ନୂଆ ସଂସଦ ଭବନର ବ୍ୟତୀତ ରାଷ୍ଟ୍ରପତି ଭବନ ଠାରୁ ଇଣ୍ଡିଆ ଗେଟ ପର୍ଯ୍ୟନ୍ତ ଯାଇଥିବା ୩.୨୦ କିମି ସଡ଼କର ନବକଳେବର ହେବ। କେନ୍ଦ୍ର ସରକାରଙ୍କ ନୂଆ ସଚିବାଳୟ, ମନ୍ତ୍ରାଳୟର କାର୍ଯ୍ୟାଳୟ ଏବଂ ଅନ୍ୟ ସରକାର ନିବାସ ମଧ୍ୟ ଏଥିରେ ସାମିଲ ରହିଛି। ୨୦୨୬ ସୁଦ୍ଧା ଏହି ପ୍ରକଳ୍ପର ନିର୍ମାଣ କାମ ଶେଷ କରାଯିବାକୁ ଲକ୍ଷ ରଖାଯାଇଛି।

ପର୍ଯ୍ୟଟକଙ୍କ ପାଇଁ ସୁବିଧା

ରାଜପଥର ନାମ ପରିବର୍ତ୍ତନ ହୋଇଛି । ପ୍ରଥମେ ଏହାକୁ କିଙ୍ଗ୍ସୱେ କୁହାଯାଉଥିଲା। ପରେ ରାଜପଥ ଏବଂ ଏବେ କର୍ତ୍ତବ୍ୟପଥ ରଖାଯାଇଛି। ଏହି ଷ୍ଟ୍ରେଚ ପୂର୍ବାପେକ୍ଷ ଅଧିକ ସବୁଜ ବନାନୀ ହେବ । ପର୍ଯ୍ୟଟକଙ୍କ ପାଇଁ ଅଧିକ ସୁବିଧା ରହିବ । ଇଣ୍ଡିଆ ଗେଟର ଆଖାପାଖ ଅଂଚଳର ଭିତ୍ତିଭୂମିକୁ ପରିବର୍ତ୍ତନ କରାଯିବ । କର୍ତ୍ତବ୍ୟ ପଥ ଆଧୁନିକ ସୁବିଧା ସହିତ ୧୯ ମାସ ପରେ ଖୋଲାଯିବ । ଏହା ପରେ ଇଣ୍ଡିଆ ଗେଟ ନୂଆ ଅବତାରରେ ଲୋକଙ୍କୁ ଦେଖାଯିବ । ସେଣ୍ଟ୍ରାଲ ଭିସ୍ତା ଲନ୍ରେ ଆରମ୍ଭରୁ ପାର୍କିଂ ପାଇଁ କୌଣସି ଶୁଳ୍କ ଲାଗିବ ନାହିଁ। ପରେ ଏନେଇ ଏନ୍ଡିଏମ୍ସି ପାର୍କିଂ ଶୁଳ୍କ ନିର୍ଦ୍ଧାରିତ କରିବ।  

ଭାରତ ନିଜେ ନିଜର ଆଦର୍ଶ: ପିଏମ୍ ମୋଦୀ

ବ୍ରିଟିଶ ଶାସନ କାଳରୁ ପ୍ରଚଳିତ ଆଇନ୍ ଆଜିର ଦିନରେ ଅନେକ ପରିବର୍ତ୍ତନ ହୋଇସାରିଛି। ଭାରତୀୟ ବଜେଟ୍, ଯାହାକି ବହୁ ଦଶକ ଧରି ବ୍ରିଟିଶ ସଂସଦର ସମୟ ଅନୁସାରେ ଚାଳି ଆସୁଥିଲା, ତାହା ବଦଳି ଯାଇଛି। ରାଷ୍ଟ୍ରୀୟ ଶିକ୍ଷା ନୀତି ଆଇନ ଅନୁସାରେ ବିଦେଶୀ ଭାଷାରୁ ଯୁବଗୋଷ୍ଠୀକୁ ସ୍ବାଧୀନ ମିଳିଛି। ଭାରତ ଆଜି ନିଜେ ନିଜର ଆଦର୍ଶ। ଭାରତର ସଂକଳ୍ପ ଓ ଲକ୍ଷ୍ୟ ନିଜସ୍ବ। ପ୍ରଥ ଓ ପ୍ରତୀକ ମଧ୍ୟ ନଜସ୍ବ। ଆଜି ଯଦି ରାଜପଥର ଅସ୍ଥିତ୍ବ ସମାପ୍ତ କରି କର୍ତ୍ତବ୍ୟପଥ ହୋଇଛି, ଆଜି ଯଦି ଜର୍ଜ ଭିଙ୍କ ମୂର୍ତ୍ତି ଚିହ୍ନକୁ ହଟାଇ ନେତାଜୀଙ୍କ ମୂର୍ତ୍ତି ଲାଗିଛି, ତାହେଲେ ଗୁଲାମୀର ମାନସିକତାକୁ ପରିତ୍ୟାଗ କରାଯିବାର ପ୍ରଥମ ଉଦାହରଣ ନୁହେଁ।

Share the article

LEAVE A REPLY