ହାତୀ ଆକ୍ରମଣରେ ବୃଦ୍ଧ ଗୁରୁତର

ରେଢ଼ାଖୋଲ (ମହାବୀର ସିଂ ଦେଓ): ସମ୍ବଲପୁର ଜିଲ୍ଲା ନାକଟିଦେଉଳ ବନାଞ୍ଚଳ ବାଟଗାଁ ସେକ୍ସନର ଚଡ଼ଚଡି ଗ୍ରାମ ଅନ୍ତର୍ଗତ ଅରଡ଼ାପାଳ ଜଙ୍ଗଲରେ ହାତୀ ଆକ୍ରମଣରେ ଜଣେ ବୃଦ୍ଧ ଗୁରୁତର ଆହତ ହୋଇଥିବା ଜଣାପଡିଛି l ଗୁରୁତର ବୃଦ୍ଧ ଜଣଙ୍କ ହେଲେ ଚଡ଼ଚଡି ଗ୍ରାମର ଦୁର୍ଯ୍ୟୋଧନ ଦେହୁରୀ (୬୫)ବର୍ଷ l
ସୂଚନା ଅନୁସାରେ ଆଜି ଦୁର୍ଯ୍ୟୋଧନ ଗୋରୁ ଚରାଇବା ପାଇଁ ଗ୍ରାମ ନିକଟସ୍ଥ ଅରଡ଼ାପାଳ ଜଙ୍ଗଲକୁ ଯାଇଥିଲା l ପୂର୍ବାହ୍ନ ପ୍ରାୟ ୧୧ଟା ବେଳେ ଏକ ଦନ୍ତା ହାତୀ ଅତର୍କିତ ଆକ୍ରମଣ କରିଥିଲା l ପାଖରେ ଥିବା ଲୋକମାନେ ଏହା ଜାଣି ପାଟିକରିବାରୁ ହାତିଟି ସେଠାରୁ ଚାଲିଯାଇଥିଲା l ଲୋକମାନେ ତାଙ୍କୁ ଉଦ୍ଧାର କରି ସଂଗେସଙ୍ଗେ ଜଙ୍ଗଲ ବିଭାଗକୁ ଖବର ଦେଇଥିଲେ l ଜଙ୍ଗଲ ବିଭାଗ ପହଞ୍ଚି ଗୁରୁତରଙ୍କୁ ନାକଟିଦେଉଳ ଡାକ୍ତରଖାନାକୁ ନେଇଥିଲେ l ତେବେ ଦୁର୍ଯ୍ୟୋଧନଙ୍କ ଗୋଡ ଭାଙ୍ଗି ଯାଇଥିବାରୁ ପ୍ରାଥମିକ ଚିକିତ୍ସା କରି ସଂଗେ ସଂଗେ ଆମ୍ବୁଲାନସ ଯୋଗେ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାପଡିଛି l