ଭୁବନେଶ୍ୱର: ରାଜ୍ୟରେ ଦିନକୁ ଦିନ ବେଆଇନ ଗୋରୁ ଚାଲାଣ ବଢ଼ିବାରେ ଲାଗିଛି । ବିଗତ କିଛି ମାସ ମଧ୍ୟରେ ରାଜ୍ୟର ବିଭିନ୍ନ ସ୍ଥାନରେ ଗୋରୁ ଚାଳାଣ ହୋଇଥିବା ନଜର ରହିଛି । କିଛି ଅସାମାଜିକ ବ୍ୟକ୍ତି ଟଙ୍କା ରୋଜଗାର କରିବା ପାଇଁ କୃଷକର ବଳ ତଥା ହିନ୍ଦୁଧର୍ମରେ ଗୋମାତା କୁହାଯାଉଥିବା ଗାଈମାନଙ୍କୁ ପଡୋଶୀ ରାଜ୍ୟକୁ ଚାଲାଣ କରୁଛନ୍ତି । ପଡୋଶୀ ରାଜ୍ୟଗୁଡ଼ିକରେ ଓଡ଼ିଶାରୁ ଚାଲାଣ ହେଉଥିବା ଗୋରୁ ମାନଙ୍କର କ୍ଷୁଧା ମେଣ୍ଟାଉଥିବା ଚର୍ଚ୍ଚା ହେଉଛି । ବେଆଇନ ଗୋରୁଚାଲାଣ କରୁଥିବା ବେପାରୀ ଓ ଦଲାଲମାନଙ୍କ ବିରୋଧରେ ସ୍ଥାନୀୟ ପ୍ରଶାସନ ଓ ପୁଲିସ ଦୃଢ଼ କାର୍ଯ୍ୟାନୁଷ୍ଠାନ ନ ନେଉଥିବାରୁ ବାରମ୍ବାର ଏଭଳି ଘଟଣା ଘଟୁଥିବା ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି । ଏପରିକି ଗୋରୁ ଚାଲାଣରେ ପୋଲିସର ମଧ୍ୟ ହାତ ରହୁଥିବା ଅଭିଯୋଗ ହେଉଛି ।
ଗତ ୮ ତାରିଖ ରାତି ବାଲେଶ୍ୱର ଜିଲ୍ଲା ସୋର ବ୍ଲକ ଅନ୍ତର୍ଗତ ବାରିକପୁର ଅଂଚଳରୁ ଏକ ପିକଭ୍ୟାନରେ୧୩ଟି ଗୋରୁ ଚାଲାଣ କରାଯାଉଥିଲା । ୧୬ ନମ୍ବର ଜାତୀୟ ରାଜପଥ ଦେଇ ଏହି ପିକଅପ ଭ୍ୟାନ ଆସୁଥିବା ବେଳେ ଦୁର୍ଘଟଣାର ସମ୍ମୁଖୀନ ହୋଇଥିଲା । ଫଳରେ ୯ଟି ଗୋରୁଙ୍କର ମୃତ୍ୟୁ ହୋଇଥିଲା । ଘଟଣା ପରେ ଚାଳକ ଫେରାର ହୋଇଯାଇଥିଲା । ଚର୍ଚ୍ଚା ହେଉଛି ଯେ, ଏହି ଗୋରୁମାନଙ୍କୁ ଭଦ୍ରକ ଅଣାଯାଇ କିଛି ମନ୍ଦ କାମ କରାଯାଇଥାନ୍ତା ।
ଚଳିତ ବର୍ଷ କିଛି ଗୋରୁ ଚାଲାଣ ଘଟଣା
-ଗତ ସେପ୍ଟେମ୍ବର ୫ ତାରିଖ ସୁନ୍ଦରଗଡ଼ ଜିଲ୍ଲାର କୁତ୍ରା ନିକଟ ଖତକୁରବାହାଲରୁ ବିଶ୍ରା ଅଂଚଳକୁ ଚାଲାଣ ହେଉଥିବା ବେଳେ ଏକ ଗୋରୁ ବୋଝେଇ ଗାଡି ଜବତ ହୋଇଥିଲା । ସେଦିନ ୭ଟି ଗୋରୁ ଉଦ୍ଧାର ହୋଇଥିଲା । କିନ୍ତୁ ଦୁଃଖର କଥା ହେଲା ଯେ, ଆହୁରି ୪ଟି ଗୋରୁ ବେଝେଇ ଗାଡ଼ି ଫେରରା ହୋଇଯାଇଥିଲା ।
-ଠିକ ସେହିଭଳି ଅନ୍ୟ ଏକ ଘଟଣାରେ ଗତ ଜୁଲାଇ ୨୮ ତାରିଖ ଘଟିଥିଲା । ସୁନ୍ଦରଗଡ଼ ଜିଲ୍ଲାର ବିଶ୍ରାକୁ ଚାଲାଣ ହେଉଥିବା ବେଳେ ବଜରଙ୍ଗ ଦଳର କିଛି କର୍ମୀ ଏକ ପିକଅପ ବୋଝେଇ ଗାଡ଼ିକୁ ଜବତ କରିଥିଲେ । ସେଦିନ ୧୧ଟି ଗୋରୁ ଉଦ୍ଧାର ହୋଇଥିଲେ ।
-ଏହାର ଦିନକ ପୂର୍ବରୁ ରାଉରକେଲାର କୋଏଲ ବ୍ୟାଙ୍କ ବସ୍ତିକୁ ଆସୁଥିବା କାରକୁ ଅଟକାଇବା ପାଇଁ ଉଦ୍ୟମ ହୋଇଥିବା ବେଳେ ଏଥିରେ ଥିବା ଗୋ ମାଂସ ଚାଲାଣକାରୀମାନେ ବଜରଙ୍ଗଦଳର କର୍ମୀଙ୍କୁ ଆକ୍ରମଣ କରିଥିଲେ ।
-୨୦୨୦ ମାର୍ଚ୍ଚ ୧୬ତାରିଖର ଘଟଣା । ସୁବର୍ଣ୍ଣପୁର ଜିଲ୍ଲା ରାମପୁର ଅଂଚଳରୁ ପ୍ରାୟ ୫୦ଟି ଗୋରୁ ନେଇ ମହାନଦୀ ପୋଲ ଅତିକ୍ରମ କରି ସମ୍ବଲପୁର ଅଭିମୁଖେ ୨ଟି ଟ୍ରକ ଯାଉଥିଲା । ଲକ୍ଷ୍ମଣପୁର ଗାଁ ନିକଟରେ ଲୋକେ ଗାଡ଼ି ୨ଟିକୁ ଅଟକାଇବାରୁ ସେଠାରେ ଉତ୍ତେଜନା ପ୍ରକାଶ ପାଇଥିଲା । ଲୋକେ ପୋଲିସକୁ ଖବର ଦେଇଥିଲେ । କିନ୍ତୁ ସ୍ଥାନୀୟ ଉଲୁଣ୍ଡା ପୋଲିସ ସେଠାକୁ ଆସି ନଥିଲା । ଏପରିକି ସୁବର୍ଣ୍ଣପୁର ଏସପି ମଧ୍ୟ ଲୋକଙ୍କର ଫୋନ ଉଠାଇ ନଥିଲେ ।
ହ୍ର୍ରାସ ପାଉଛି ଗୋବଂଶ
କୃଷିକାମରେ ନିରନ୍ତର ସହଯୋଗ କରୁଥିବା ଗାଈ, ବଳଦ ଏବେ ସୁରକ୍ଷିତ ନାହାନ୍ତି । ଗାଁ ଗଣ୍ଡାରେ ପୂର୍ବଭଳି ଆଉ ଗୋରୁ ଦେଖାଯାଉ ନାହାନ୍ତି । ଅତୀତରେ ଯେଉଁ ଗାଁରେ ପ୍ରାୟ ୫୦୦ ଗାଇ, ବଳଦ ଓ ବାଛୁରୀ ଥିଲେ, ସେଠାରେ ଆଜିର ଦିନରେ ୧୦୦ ଗୋରୁ ଦେଖାଯାଉନାହାନ୍ତି । ଦିନ ଥିଲା ୨ ଏକର ଜମି ଥିବା ଚାଷୀର ଘରେ ହଳେ ବଳଦ, ଅତିକମରେ ୨ଟି ଗାଈ ଥିଲେ । କିନ୍ତୁ ଆଜି ସମୟ ବଦଳି ଯାଇଛି । ୧୦ ଏକର ଜମିଥିବା ଚାଷୀ ପାଖରେ ହଳେ ବଦଳ ନାହିଁ । ଗାଈ ଓ ବାଛୁରୀ ଆସିବ କେଉଁଠୁ ।
ଚାଷ ପାଇଁ ରସାୟନିକ ସାର ଓ ଔଷଧ ବ୍ୟବହାର
ଚାଷୀ ନିଜର ଫସଲ ଉପୁଜାଇବା ପାଇଁ ଗାଈ, ବଳଦର ଗୋବରକୁ ବ୍ୟବହାର କରୁନାହିଁ । କାରଣ ଗୋବର ପାଇବା ପାଇଁ ପାଖରେ ଗାଈ ଓ ବଦଳ ନାହିଁ । ଫଳରେ ବାଧ୍ୟ ହୋଇ ରାସାୟନିକ ସାର ବ୍ୟବହାର କରୁଛି । ଏହି ରାସାୟନିକ ସାରର ବ୍ୟବହାର ଯୋଗୁଁ ଫସଲ ଯଦିଓ ଅଧିକ ଉପାର୍ଜନ ହେଉଛି । ଫସଲ ଉପାର୍ଜନ ପାଇଁ କୀଟ ନାଶକ ଔଷଧ ବ୍ୟବହାର ମଧ୍ୟ କରାଯାଉଛି । ଘରେ ଗାଈ କ୍ଷୀର ମିଳୁନାହିଁ । କ୍ଷୀର ଦରକାର ହେଲେ ଡାଏରି ଉପରେ ନିର୍ଭର କରିବାକୁ ପଡୁଛି ।
